Storian blong Niufala Mun
Wan kastom stori blong Malo
Long long taem bifo, long smolfala aelan blong Malo,
i no bin gat tumas samting blong mekem.
Wan dei long evri manis ol man oli bin mit long Nangarai,
long ples we riva mo solwota i joen.
Long ples ia nao, oli kukum kakae tugeta mo
storian taem oli wet blong lukluk Niufala Mun.
Oli sidaon kwaet taem oli lukluk Niu Mun i muv i go
daon
daon
I foldaon long skae
mo i foldaon i go
insaed long wota long Nangarai.
Niu Mun i bin kam blong swim.
Niu Mun i kam klosap long ol man.
Hem i smael bigwan long Nangarai mo ol man.
Ol man oli lukluk Niu Mun i aot bakegen.
Niu Mun i klaem
antap, antap, antap
long skae.
Nao, i bin gat wan nogud man
we hem i stap long aelan blong Malo.
Hem i bin talemaot long ol fren blong hem,
"Wan dei bae mi mi holem taet Niu Mun."
"Nogat!" ol fren blong hem oli bin singaot.
"Yu no mas mekem! Yu no mas tajem Niu Mun."
Nao, wan manis ol man oli bin go long Nangarai.
Oli karem ol yam mo taro blong kuk.
Oli lukaotem wud blong mekem faea.
Afta oli stat blong singsing mo lafet plante.
Evriwan?
No, i no evriwan.
I nogat wan we i lukluk nogud man ia i ronwe mo haed.
I nogat wan we i lukluk hem taem hem i wet long Niu Mun.
Hem i wet kasem taem we Niu Mun i foldaon,
daon
daon
Hem i wet kasem taem we Niu Mun i foldaon insaed long wota.
Afta, hem i jam long Niu Mun
mo holem taet hem wetem ol doti han blong hem.
Be Niu Mun i kwik tumas.
Hem i kamaot long ol doti han ia
mo hem i spid i go antap long skae.
Nogud man ia hem i no bin kasem Niu Mun
be yu save luk mak blong tufala doti han blong hem long mun.
Mo Niu Mun i neva bin foldaon long skae bakegen
blong swim mo smael long Nangarai mo ol man ia.
i no bin gat tumas samting blong mekem.
Wan dei long evri manis ol man oli bin mit long Nangarai,
long ples we riva mo solwota i joen.
Long ples ia nao, oli kukum kakae tugeta mo
storian taem oli wet blong lukluk Niufala Mun.
Oli sidaon kwaet taem oli lukluk Niu Mun i muv i go
daon
daon
I foldaon long skae
mo i foldaon i go
insaed long wota long Nangarai.
Niu Mun i bin kam blong swim.
Niu Mun i kam klosap long ol man.
Hem i smael bigwan long Nangarai mo ol man.
Ol man oli lukluk Niu Mun i aot bakegen.
Niu Mun i klaem
antap, antap, antap
long skae.
Nao, i bin gat wan nogud man
we hem i stap long aelan blong Malo.
Hem i bin talemaot long ol fren blong hem,
"Wan dei bae mi mi holem taet Niu Mun."
"Nogat!" ol fren blong hem oli bin singaot.
"Yu no mas mekem! Yu no mas tajem Niu Mun."
Nao, wan manis ol man oli bin go long Nangarai.
Oli karem ol yam mo taro blong kuk.
Oli lukaotem wud blong mekem faea.
Afta oli stat blong singsing mo lafet plante.
Evriwan?
No, i no evriwan.
I nogat wan we i lukluk nogud man ia i ronwe mo haed.
I nogat wan we i lukluk hem taem hem i wet long Niu Mun.
Hem i wet kasem taem we Niu Mun i foldaon,
daon
daon
Hem i wet kasem taem we Niu Mun i foldaon insaed long wota.
Afta, hem i jam long Niu Mun
mo holem taet hem wetem ol doti han blong hem.
Be Niu Mun i kwik tumas.
Hem i kamaot long ol doti han ia
mo hem i spid i go antap long skae.
Nogud man ia hem i no bin kasem Niu Mun
be yu save luk mak blong tufala doti han blong hem long mun.
Mo Niu Mun i neva bin foldaon long skae bakegen
blong swim mo smael long Nangarai mo ol man ia.
